قِصَــة قدرُ !!

قِصَــة قدرُ !!

كان الوكت أول شهر
لمن خلاص وقع القدر
في اللحظة ديك جانا الخبر
خلى الجميع يسأل ليه الحصل
أيمن هناك في غرفة عمل
في غرفة كانت فيها الأمل
ناساً مستنين هناك
واحد هنا واحد هناك واحد قاعد في حجر
واحدين يسألوا عن خبر
والنوم خلاص جافانا جاب بدلوا السهر
واللحظة ديك واحد هناك
في كلمة عابرة وصوت حنين لمس الوتر
هرة فكر أنو يرجع يجيب مسجل
بسرعة يسجل للحصل أيه الحصل
فيصل كمال ثناهو بصوت منفعل
والناس هناك تستنى لي كلمة أمل
زي زول عريس مستني يقبلوا مهر
في الوقت داك بالدير خرج حابس دمع
في قلبوا كان كاتم خبر
لكن خاف دس الخبر حتى الطبيب
كلامو كان فيهو الحذر
ود السِّر خرج في عينو يظهر
لي شرر ورقية جات تسأل عن الخبر
في اللحظة ديك ماجد يحدث كم نفر
جيبوا العصير جيبوا البلح شوف الأمل!
واحد سأل وين الغيار؟
الفكس قام قلع القميص من غير ضرر
ودالمبارك قلع جلابيتو بضمير مستتر
لحبيبو كان قاصد الستر
لكن خلاص ضاع الأمل
أيمن خلاص أصبح بعيد بعد القمر
في اللحظة ديك شوف الحصل
محمد وقع نميري انخلع علاء الدين غمر
الباقين كمان حسوا بخطر
ود طه قلبو أنفطر
جعفر هناك بيكوى كان قاصد السفر
لكن خلاص عرف الحصل
ود بكري فتش ليو نفر
قُلة صرخ إيه الحصل
عواطف جَرتَّ العمدة أصبح في خطر
رقد السرير حسَّابو زي طعنـــات إبر
زي زول وحيد فـــي لحظة بس جاه الخبر
حسن الكبير شغلو الفكر
مستني بس توديعة من فائق الدرر
حامد هناك مستني في وقت السحر
جاهو الخبر في لحظة خانقاهو العبر
سيد أحمد هناك في بيتــــــو
يقرالو الســـــــــــــور
عرف الخبر غالب دموعــــــو
في الآخر صبـــــــــــر
جانا الصباح
هاشم بفكر في السفــر
والخال كمال جاهو الخبـــــــر
وقع الضــــــــــــــرر
في اللحظة ديك أنا كــــــــنت
ببحث فى أمر
في لحظة بس وفجأة قام جاني الخبـــر
عقلي انخلع فكرت فيك قلبي انفطــــر
حسيت تقول زي زول وحيد فقد الأثـر
عاينت جــاي قبلت جـــــــــاي
ما قدرت أنكر للقـــــــــــــدر
في الآخر بقيت أفكر في الحصـــــــل
دعيت الإله يوسع لحبيبي القبــــــــر
في الجنات هناك تلقى النصـــــــــر
حوريات جميلة كمان بكـــــــــــر
لو شفتهم حلوات عســـــــــــــل
الواحدة زي شتلة زهـــــــــــــر
مختوته في صالون كــــــــــــبير
فــي شكلو يبهج للنظــــــــــــر