شبكة ومنتديات أحباب اللغة العربية
.•:*¨`*:• السلام عليكم .•:*¨`*:•
نور المنتدى بوجودكم
نتشرف بتسجيلاتكم و برغباتكم

انضموا الينا كلمات أغانى الفنان محمد وردى Flower2 لا تبخلونا باقتراحتكم و ردودكم
تقبلوا تحياتنا مع أحلى منتدى
شبكة ومنتديات أحباب اللغة العربية
.•:*¨`*:• الإدارة.•:*¨`*:•[center][center]
كلمات أغانى الفنان محمد وردى 829894




شبكة ومنتديات أحباب اللغة العربية
.•:*¨`*:• السلام عليكم .•:*¨`*:•
نور المنتدى بوجودكم
نتشرف بتسجيلاتكم و برغباتكم

انضموا الينا كلمات أغانى الفنان محمد وردى Flower2 لا تبخلونا باقتراحتكم و ردودكم
تقبلوا تحياتنا مع أحلى منتدى
شبكة ومنتديات أحباب اللغة العربية
.•:*¨`*:• الإدارة.•:*¨`*:•[center][center]
كلمات أغانى الفنان محمد وردى 829894




شبكة ومنتديات أحباب اللغة العربية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شبكة ومنتديات أحباب اللغة العربية

منتدى يهتم بكل جماليات اللغة العربية
 
الرئيسيةالبوابةأحدث الصورالتسجيلدخول
تعلن ادارة المنتدى لجميع الأعضاء مد إدارة المنتدى بافكار لتحريك وتنمية المنتدىالاتصال بالإدارة او كتابة المقترح فى قسم المقترحات

" />

أهلا بك ۩ يا زائر ۩

آخر زيارة لك كانت في الخميس 01 يناير 1970

★ اهلا وسهلا بك فى منتدانا المتواضع ★

أهلا وسهلا بك زائرنا الكريم، إذا كانت هذه زيارتك الأولى للمنتدى، ، . يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه


 

 كلمات أغانى الفنان محمد وردى

اذهب الى الأسفل 
كاتب الموضوعرسالة
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:21

البنحلم بيهو يوماتى
وطن شامخ
وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو

وطن غالى
نجومو تلالى فى العالى
إراده سياده حريّه

مكان الفرد تتقدم
قيادتنا الجماعيّه

مكان السجنِ مستشفى
مكان المنفى كليّه

مكان الأسري ورديّه
مكان الحسره أغنيّه

مكان الطلقه عصفوره
تحلق حول نافوره
تمازج شُفّع الروضه

حنبنيهو

البنحلم بيهو يوماتى


وطن للسلم أجنحتو
ضد الحرب أسلحتو
عدد مافوق ما تحتو
مدد للأرض محتله
سند للإيدو ملويّه


حنبنيهو.

البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه

وطن بالفيهو نتساوى
نحلم. .نقرا ..نتداوى
مساكن كهربا ومويه
تحتنا الظلمه تتهاوى
نختّ الفجرِ طاقيّه

وتطلع شمس مقهوره
بخط الشعب ممهوره
تخلي الدنيا مبهوره
إراده وحده شعبيّه
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:24

وطنا البإسمك كتبنا ورطنا

أحبك ..

أحبك مكانك صميم الفؤاد

وباسمك أغنى
تغنى السواقى
خيوط الطواقى
سلام التلاقى
ودموع الفراق

واحبك ملاذ
وناسك عزاز

أحبك حقيقه
وأحبك مجاز

وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس

أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى

أحبك بتضحك
واحبك عبوس
صحى بتملا عينى
وتشّرف غناى

بحضرة جلالك
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:28

يا شعبا تسامي
ياهذا الهمام
تفج الدنيا ياما
وتطلع من زحاما
زي بدر التمام

تدي النخله طولها
والغابات طبولها
والايام فصولها
والبذره الغمام

قدرك عالي قدرك
ياسامي المقام
ياملهم رماحك
سناهاالصدام
ام در والطوابي
في صدرك وسام
ملامح كم
تسامح
تغضب لا تلام
همه وعبقريه
ذمه وفنجريه
ضد العنصريه
وتحلم السلام

فداك وفي حواك
يامدد الكلام عفوك
انت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
واجمل مالدينا
من يوم السمايه
من قبل الفطام

منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:36

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:39

خـــأف من الله على قلبى وقلبى من غرامك خـــاف

زرعت الشوك على دربو وياما فى هواكم شاف . .

سنين وايام قضيت عمرى. . قضيت عمرى فى لوعة

أنادى الليل واقول ياليل . . انا المظلوم عـــزاى دمعة

دموعى تسيل وليلى طـــويل وعايش فى مهب الريح براى شمعة

**********
علمتو يحبك .. ولما سار فى دربك خنت وسبت حبيبك ليه

وا خسارة أملى واملك وا خسارة قلبى فى حبك وا خســارة

خسارة دمعى ودمعك وا خســـارة

كنا بنبنى الجنة ولما خلاص قربنا انت هدمت سعادتك ليه

يا مــا سهرنا ليالى ي حليلك يا غالى وياما فى هواكم شاف

*************
يا قلبى أنسى الفات وعيش من تانى وحدانى

لو حنيت لعهد الشوق أجيب من وين عمر تانى

يا قلبى شفت الويل وليل السهد بـــــكانى

بعد ما تبت من النار حـــــــرام تتجدد احــــزانى

يضمك ليل ويطويك ليل. . . ونار الويل مهـــادك

يا مظلوم ومــا ظالم حليلك والعمر فانى
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:40

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي ولي بكرة
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:42

ولا إنتِ
ولا لون الفرح...
إنتِ
ولا الشوق المشيتْ بيهو..
وغلبْنى أقيف...
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه..
ومن شهقَة زهور عطشانَهْ
فوق أحزانهْا..
متْكَّيهْ..
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى..
معاكْ يجينى زمن..
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي..
خُطانا الإلفَهْ والوحشَهْ..
وتمشى معاي... وتْرُوحى..
وتمشى معاي وسط روحى
ولا البلْقاهو بِعْرِفنى...
ولا بعرِف معاكْ ..روحى
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:45

قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كان طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:47

عذبني وزيد عذابك
يمكن قلبي يقسى
وزي مانساني قلبك
يمكن قلبي ينسى
يازين
عذبني وتفنن
في ألوان عذابي
ما تمسح دموعي
ما ترحم شبابي
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتناسى
الكان بيني بينك
ما تطرا العشرة
والفات من سنيني
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتنكر
للحب والحنان
للريد والمودة
وكل الكان زمان
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:47

مافي داعي تقولي مافي
يالربيع في عطرو دافي
لهفة الشوق
في سلامك
في كلامك
وسر غرامك ماهو خافِ
إرتعاشاتك بتحكي
قصة أحلامك معاي
وكل خفقة في قلبي نغمة
تحكي ليكي شوقي وهواي
إنت في بهجة شبابك
وحبي ليك من غير نهاية
مافي داعي ..
قلبي أخضر ولسة في ريعان شبابو
في حرارة شوقو بيسطر كتابو
شوفي كيف نشوانا بتتراقص حروفو
كل لحظة شوق بتتجدد ظروفو
مافي داعي ..
عشنا في دنيا الصبابة
والسعادة فتحنا بابها
بهجت الدنيا وشبابها
ابتساماتك حبابها
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:50

حلفتك يا قلبي حلفتك بري
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:51

قست الدنيا علية
وجافى النوم عينية
مع هجرانك لية
حالفة تغدري بية
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
فكري الحيرتيهو
وعقلي الودرتيهو
صوني وعدك ليهو
أوعك تخلفي بيهو
حرمت الحب والريدة
برضي ما أرضيت
صعبان علي وحياتك
ياريت لو ماحبيت
خليتيني في حيرة
وما راعيتي الجيرة
والله أنا جارك وانتي
يا جارة بهواكي رغم الغيرة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
الحب والريدة
رمز الحب والريدة
أنا برضي ما أرضيت
صعبان علي وحياتك
ياريت لو ماحبيت
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:52

أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول
الرجوع الى أعلى الصفحة اذهب الى الأسفل
عثمان حسن
Admin
عثمان حسن


عدد المساهمات : 138
نقاط : 43524
السٌّمعَة : 0
تاريخ التسجيل : 27/05/2012

كلمات أغانى الفنان محمد وردى Empty
مُساهمةموضوع: رد: كلمات أغانى الفنان محمد وردى   كلمات أغانى الفنان محمد وردى Icon_minitimeالثلاثاء 07 يوليو 2015, 20:54

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل
الرجوع الى أعلى الصفحة اذهب الى الأسفل
 
كلمات أغانى الفنان محمد وردى
الرجوع الى أعلى الصفحة 
صفحة 1 من اصل 1
 مواضيع مماثلة
-
» كلمات أغانى كاظم الساهر
» كلمات اغانى الفنان عثمان حسين
» القرآن الكريم بصوت الزين محمد أحمد

صلاحيات هذا المنتدى:لاتستطيع الرد على المواضيع في هذا المنتدى
شبكة ومنتديات أحباب اللغة العربية :: أحباب اللغة العربية :: كلمات الأغانى :: منتدى كلمات الأغانى السودانية-
انتقل الى: